يا ريت خليت العمر بالبيت/ طوني رزق

بمناسبة صدور كتاب جديد للشاعر الكبير جرمانوس جرمانوس 
           
شو بيشبهك صوت المدى المبحوح
بيزيد فيك جروح ما بتروح
بيزيد فيك عيون عم تلمع
بيزيد فيك شموخ عم يطلع
يصير الحبر إنسان دم وروح

شو بيشبهك وج الصبح بكير
صوتك صدى عصافير عم بتطير
جبينك ضبابي مارقه عا السكت
بترشح ندي وبيصير فيك الوقت
يحفر سما بيريشة عصافير

من هيك شاعر انت قد الكل
وكل  لقرب حدك   تعلا
وزعت عمرك عا ورق بيفل
وبيمطرحك ما في حدا بيحل
الا اذا غنى شعر الله

مين لقلك تتركو بكتاب            
عمر لبعدو زغير عا تيابك 
ما انت اكبر من مدى لغياب
وطفل الحكي بيجوع عا غيابك

خلي العمر بلبيت خلف الباب
كل ما قصيده حفرة عتابك
بيمد ايدو عا جرح لعذاب
يرسم شعر موجوع عا بابك

مافي شتي بيشبع المزراب
ومافي شعر بيشبع  صحابك
ومتل الصدى ل بسكت شق عباب
فيك القصيده شقت عبابك

ياريت عامل للسنين حساب
كان العمر مرتاح بجيابك
دوبت حالك بل الحبر تا داب
وكبر الوحي شردات عا حسابك

عيونك الغيمه لدمعتا إعجاب
بتنزل من الإحساس عا هدابك 
بتوصل عا خدك دمعتين عتاب
لو انت  خليت العمر بل بيت
ما تنهدو لبيوت بكتابك

CONVERSATION

0 comments: